Një nga ekipet favorite për të fituar Championsin e këtij sezoni, Bajerni i Mynihut, zbriti dje në fushën e zvicerianëve të Bazelit, ndaj të cilëve e kishin detyrim të luanin seriozisht, për shkak se helvetët kishin eliminuar në mënyrë surprizë Mançester Junajtid në fazën e grupeve. Për Bazelin nuk ishte një sfidë e lehtë dhe presupozohet pothuajse e pamundur të eliminojnë bavarezët, por në fushën e tyre kuqeblutë janë të aftë të vënë në vështirësi cilindo ekip.

Ka qenë Bajerni ai që ka shqelmuar topin i pari dhe menjëherë Riberi i ka krijuar një shans të artë Gomezit, por Somer ka qenë shpëtimtar. Më pas ka qenë Roben, ai që ka nisur një top për Riberinë, që vë në vështirësi sërish portierin Somer. Një nisje e mirë e Bajernit, që krijon volum loje, por Bazeli i përgjigjet gjithashtu. Në minutat 17’ dhe 19’ zvicerianët janë shfaqur dy herë rrezikshëm, duke goditur në fillim shtyllën me anë të Dragoviç dhe më pas traversën me anë të Aleksandër Frait.

Në minutën e 29-të, Roben zbret rrezikshëm nga e djathta, pason tek Alaba, i cili nuk mendohet dy herë por gjuan, teksa Somer ka devijuar mjaftueshëm për të ruajtur portën të paprekur. Shaqiri ka qenë lojtari më i lëvizshëm për Bazelin, i cili lëvizte me lehtësi nga e majta e sulmit zvicerian, teksa dha një pasim në qendër për Frain, por ky i fundit nuk arrin të zotërojë topin, që largohet nga Boateng.

Në minutat e fundit të pjesës së parë, Bajerni rrezikon disa herë me anë të kundërsulmit, por pa arritur të shënojë. Pavarësisht kushteve të këqia të fushës, Bazeli e Bajerni kanë zhvilluar një 45 minutësh me gjallëri. Gjigantët e Bundesligës kanë patur më shumë sesa 1 rast për shënim, por kanë hasur pengesën Somer në katërkëndëshin e portës zviceriane.

Pjesa e dytë nis pa zëvendësime, Riberi dhe Alaba shënojnë rastet e para për Bajernin, por ndalen nga mbrojtja vendase. Ndërkohë Streler dhe Frai, ky i fundit pas pasimit të Xhakës, rrezikojnë pa sukses portën e Nojerit. Nga ky moment, Bajerni rrit presionin në fushë, kontrollon më shumë topin, krijon raste, por ende nuk arrin të gjejë rrugën e rrjetës. Në të 63-n, Roben fiton një goditje dënimi mbi vijën e zonës së rreptësisë, por goditja e tij ndalet në dy kohë nga “muri” mbrojtës.

Loja nis e bëhet më konfuze, teksa faullat vijnë e shtohen. Te Bazeli largohet Fabian Frai për Stoker, ndërsa Bajerni hedh në fushë Mylerin në vend të Riberisë. I sapofuturi në lojë, Myler ndëshkohet me të verdhë, pas përplasjes me portierin Somer, i cili priti më parë gjuajtjen nga shumë afër të Gomezit.

Largohet edhe Shaqiri për Zouan, i cili duket se ishte “asi nën mëngë” i trajnerit Vogel. Bazeli përpiqet të luajë deri në fund, Zoua kalon horizontalisht pothuajse të gjithë mbrojtjen bavareze, jep një asist për Stokerin, i cili i vetëm përballë Nojerit nuk gabon, duke ia kaluar topin nëpër këmbë. 1-0 për Bazelin dhe ëndrra vazhdon…

Bazel (4-4-2) : Zomer ; Dragovic ; Abraham ; Degen ; Shtaifer ; Shtoker ; Xhaka; Hugel ; Shaqiri ; Frai ; Shtreler.

Bayern Munchen (4-2-3-1) : Nojer ; Batshtuber ; Boateng; Rafinja ; Lahm ; Alaba ; Gustavo ; Kross; Roben ; Riberi ;Gomez.

Përgatiti: Oldi Mele

 Trajneri Hejnkes, kapiteni Lahm dhe drejtori sportiv Nerlinger komentojnë me nota pesimiste barazimin pa gola ndaj Freiburgut, që i zbret bavarezët në vendin e tretë të Bundesligës

Drejtori sportiv i Bajernit të Mynihut, Kristian Nerlinger, është i mendimit se ekipi i tij nuk ka për të fituar Bundesligën këtë sezon, nëse do të luajnë gjithnjë siç bënë gjatë barazimit 0-0 të shtunën me Freiburgun. Ky rezultat pozicionoi Bajernin 4 pikë pas Dortmundit kryesues dhe Nerlinger shprehu shqetësimet e tij:

“Nëse më parë nuk kishte rënë, tani alarmi po bie për Bajernin. Veçanërisht në pjesën e parë nuk kishte asgjë të përafërt me një ekip të suksesshëm. Kishim mungesë reagimi, agresiviteti dhe pasioni. Të jem i sinqertë, në pjesën e parë nuk kishte asgjë të përafërt me Bajernin. Nëse vazhdojmë kështu, atëherë nuk kemi asnjë shans për të fituar kampionatin.”

HEJNKES – Trajneri bavarez, Jup Hejnkes, pranon se barazimi 0-0 me ekipin e fundit të Bundesligës e ka habitur tej mase: “Ishim të ngadaltë në pjesën e parë. Me sa duket, menduam se do të zhvillonim lojë tërheqëse. Ajo që duhet të kishim bërë ishte t’i rezistonim atyre me forcë, duhet të kishim luajtur lojën e atyre dhe të kishim rritur ritmin.

Por nuk e bëmë diçka të tillë deri në pjesën e dytë, kur ushtruam presion dhe krijuam disa raste. Kjo duhet bërë për 90 minuta përballë një ekipi, që lufton për mbijetesë. Për sa i përket renditjes, kemi humbur 2 pikë. Skuadrat e kreut të klasifikimit janë shumë të qëndrueshme, kështu, normalisht që nuk mund t’i lejosh vetes gabimet të tilla.” Paraqitja e dobët kapërcehet vetëm në një mënyrë: Hejnkes duhet të rimëkëmbë skuadrën e tij përpara vizitës së Shalkes javën e ardhshme.

LAHM - Mbrojtësi i Bajernit të Mynihut, Filip Lahm, ka shprehur zhgënjimin e tij nga paraqitja e skuadrës së tij gjatë barazimit pa gola në transfertën e Freiburgut. “Nuk investuam sa ç’duhet në pjesën e parë. Nuk ishim përgatitur për të vrapuar aq shumë, nuk ishim mjaftueshmërisht agresivë, në fakt nuk shfaqëm veten tonë”, – deklaroi ai në uebsajtin zyrtar të klubit.

Kemi shumë për të diskutuar ditët në vijim: rezultati ishte një hap i madh prapa. Përpara kësaj jave, gjithçka ishte në dorën tonë, por tani e kemi flakur atë pozicion. Megjithatë, nuk jam shumë i shqetësuar për pozicionin në renditje, se sa për performancën e treguar. Do ta kemi shumë të vështirë të fitojmë titullin, nëse vazhdojmë kështu.” Bajerni do të rikthehet në fushë të mërkurën, kur të vendosin për fatin raundit me 16 ekipe në Champions, në një përplasje kundër Bazelit.

Përgatiti: Oldi Mele

 Kapiteni i Bayern Munchen, Philipp Lahm është mjaftë i zhgënjyer me ndeshjen ndaj Freiburg (0-0) ku Bayerni jo vetëm së nuk arriti të marrë tri pikët e plota, por nuk kishte as paraqitje të mirë.

“Nëse ne luajmë në ketë mënyre edhe kundër Bazel, atëherë nuk do të kemi shans për të fituar”, ka deklaruar Lahm. Bayern Munchen llogaritet si një ndër skuadrat favorite për të fituar Ligën e Kampionëve.

Fiorentina-Napoli

Fiorentina (3-5-2): Boruc; Gamberini, Natali, Nastasic; Cassani, Behrami, Montolivo, Olivera, Vargas; Amauri, Jovetic. Tr.: Rossi.

Napoli (3-4-2-1): Rosati; Campagnaro, Cannavaro, Britos; Maggio, Dzemaili, Inler, Dossena; Lavezzi, Hamsik; Cavani. Tr.: Mazzarri.

Inter-Bolgna

Inter (4-4-1-1): Julio Cesar; Maicon, Lucio, Ranocchia, Nagatomo; Faraoni, Zanetti, Cambiasso, Forlan; Sneijder; Pazzini. Tr.: Ranieri.

Bologna (3-4-2-1): Gillet; Raggi, Portanova, Antonsson; Pulzetti, Perez, Mudingayi, Morleo; Ramirez, Taider; Di Vaio. Tr.: Pioli.

 Milani ishte më se superior në fitoren prej 4-0 përballë Arsenalit, në ndeshjen e parë të 1/8 së finales të Ligës së Kampionëve, që u zhvillua të mërkurën mbrëma në San Siro.

Milani është me një këmbë për në fazën tjetër të champions League pasi ka mundur topcinjtë me rezultatin e thellë 4-0. Ishte një paraqitje e jashtëzakonshme e lojtarëve me fanellat kuqezi në fraksionin e parë, ku arritën të shënojnë dy gola. Kuqezinjtë filluan që në minutën e 15-të duke shënuar gol me  Kevin-Prince Boateng i cili morri  një top nga Antonio Nocerino për ta shënuar njërin nga golat më të bukur këtë edicion në garën prestigjioze të futbollit evropian. Zlatan Ibrahimovic dërgoi një top drejt Robinhos, ndërsa braziliani e dyfishoi epërsinë (38’) dhe vulosi rezultatin e pjesës së parë, edhe pse Rossonerët kanë mundur të shënojnë edhe gola të tjerë falë asistimeve të Ibras.

Porsa filloi pjesa e dytë (49’), Robinho shënoi golin e dytë personal në ndeshje, ndërsa meritor ishte lojtari më i mirë në këtë takim, Ibracadabra, i cili ishte asistues.

Për disa minuta në vazhdim ra tempi i lojës së vendasve, mirëpo aty ishte SuperIbra për të nxjerrë një penalti dhe për ta shënuar golin shumë të merituar në këtë mbrëmje (79’).

Përkundër se kanë mbetur edhe 90 minuta për t’u zhvilluar, vetëm një mrekulli do ta kualifikonte Arsenalin në çerekfinale të Ligës së Kampionëve.

Ndërkohë, në takimin tjetër të kësaj faze të zhvilluar të mërkurën mbrëma, Zenit St. Petersburgu ka fituar me rezultat prej 3 – 2 përballë Benficas.

Përgatiti: Oldi Mele

Milan

Abbiati,  Abate,  Mexes,  Silva,  Mesbah, Ambrosini, Van Bommel, Nocerino, Boateng, Ibrahimovic,  Robinho

Arsenal

Szczesny, Sagna, Vermaelen,  Koscielny,  Gibbs, Arteta,  Song,  Ramsey, Chamberlain, Van Persie, Walcott.

 Legjenda e Arsenalit, Dennis Bergkamp ka kritikuar ish skuadrën e tij.

Bergkamp beson se ekipi londinez është bërë shumë i parashikueshëm dhe duhet të zhvillojë mentalitet fitues në vend të atij të lojës së bukur.

Lion -Apoel (20:45)

Lion (4-4-2) : Loris, Reveje, Kone, Umtiti, Cisoko,Briand, Gonalons, Kallstrom, Bastos, Lisandro Lopez, Gomis. Tranjer : Remi Garde

Apoel (4-3-2-1) : Kiotis, Pursaidis, Horge,Kaka, Oliveria, Morais, Pinto, Heralambidis, Marsinjo, Manduka, Ailton. Tranjer :Ivan Jovanovic

Leverkusen – Barcelona (20:45)

Leverkusen (4-3-1-2) : Leno, Korluka, Skuab, Fridrish, Kadlec, Kastro, Rainartz, Rolfes, Bender, Kisling, Shyrle. Tranjer: Robin Dut

Barcelona( 4-3-3) : Valdes,Alvesh, Pike, Pyjol,  Abidal, Xavi,  Maskerano, Injesta, Fabregas, Messi,Sancez. Tranjer : Pep Guardila.

Pjesa e parë nisi frikshëm për Levanten e cila kaloi në avantazh që në minutën e 5-të me Kabral. Ronaldo vendosi balancën në minutën e fundit të pjesës së parë me një penallti të realizuar në mënyrë perfekte. Në pjesën e dytë Levante nuk arriti t’i bëjë ballë epersisë së Realit ,i cili dyfishon rezultatin me Ronaldon në minutën e 50-të .Në minutën e 57-të  portugezi shënoi duke e cuar rezultatin në 3-1. Miqtë shkurtuan diferencen me Kone  në të 63-ën ,por vetem 3 minuta m pas Benzema e beri të sigurt fitoren e madrilenëve.

Përgatiti: Oldi Mele